Фотографија од премиерот на Бугарија, Бојко Борисов, како лежи гол во спална соба покриен со прекривка, а на натказната до него има пиштол и во фиоката се гледаат банкноти од 500 евра, денеска излегоа во јавноста.
Тој е фотографиран во неговата спална соба во премиерската резиденција, а и самиот денеска зборуваше за фотографиите и упати обвинувања кон политичките противници и бугарскиот претседател Румен Радев.
„Човек има свој личен простор. Како може да дојдат да ме снимаат? Можеле да ме снимаат и како ‘рчам, ако го правам тоа воопшто. Од каде да знам дали го правам. А, ако се откриев?… Ова ли е демократијата која ја сакавме? Немам ли право да си легнам, да си спијам, а и слатко си спиев“,
зборувал Борисов на денешната прес-конференција додека прекори и новинар зошто се смее и го праша дали сака и него така да го снимаат кога спие и со кого спие.
Во неговата денешна изјава тој посочил дека противниците го напаѓаат со компромитирачки материјали за да го спречат во две важни цели кој треба да се постигнат во јули – влез на Бугарија во банкарската унија и во еврозоната.
„Нашите политички противници денеска го допреа дното. Станавме непријатни за нив откако Бугарија ја извадивме од една орбита и ја испративме директно во реа
лната евроатлантска заедница. Затоа имаат омраза кон нас“, обвини Борисов.
„Претседателот Радев ме следи со дрон“
Борисов вели дека не може да знае дали фотографиите се реални бидејќи ако се, тогаш се направени додека спие. Затоа, изјави дека ќе чека да потврди вештачењето.
„Јас сум слободна личност, водам нормален живот. Целта е да нè уништат ментално, а потоа и да не нападнат физички. Загрижен сум затоа што кога спијам, сум беспомошен“,
изјавил денеска Борисов.
Како што пренесуваат бугарските медиуми, тој директно го обвини претседателот Румен Радев дека го следи со дрон кој го добил од Кина.
„Претседателот Радев ја премина границата и си дозволи да крене беспилотно летало и да ме фотографи“,
изјавил Борисов.
Се појавија и аудио снимки
Фотографиите не се единствените компромитирачки материјали. Минатиот петок во петокот во бугарската јавност се појавиле и аудио снимки во кој се слуша глас кој наликува на Борисов и уште еден непознат соговорник.
Како што пренесува бугарскиот портал „Сега“, станува збор за снимка која е составена од три различни разговори и во нив се слуша Борисов како користи вулгарни зборови кога зборува за претседателката на Собранието, Цета Карајанчева, како и дека има разговори со државниот обвинител Иван Гешев за отворенање случаи, како се потсмева со странски премиери …
„Сега“ пишува дека Борисов за снимките, пак, директно го обвинил неговиот поранешен заменик-претседател во партијата ГЕРБ. Сепак, бугарскиот премиер категорично ја негира содржината на разговорите.
Во разговор со новинарите за тоа дали по ваквите компромитирачки материјали ќе си поднесе оставка, тој непоколебливо одговорил дека нема и ја нагласил важноста на месец јули за Бугарија.
Видео на bTV од прес-конференцијата на Борисов: