Специјалната обвинителка Елизабета Јосифовска најави дека ќе ја обжали првостепената пресуда со која за случајот „Тревник“ беа ослободени од обвинение Драган Павловиќ Латас и неговите браќа.
„Ние остануваме на ставот дека обвинението е издржано. Тоа што институциите не реагирале не може да биде основ тие да се ослободат од кривично гонење“,
вели обвинителката Јосифовска.
Латас и неговите браќа беа обвинети за бесправно градење три викенд куќи во Зелениково. Според СЈО, тие почнале да ги градат во 2011 година, а одобренијата за градба ги добиле во 2013 година.