Не е точно дека обвинителката Лиле Стефанова е уапсена – соопшти Специјалното јавно обвинителство. Реакцијата доаѓа откако дел од медиумите објавија вест за апсење на Стефанова.
„Ова Јавно обвинителство категорично ги демантира написите на некои медиуми во кои се тврди дека обвинителката Лиле Стефанова е уапсена вчера. Воедно апелираме до сите медиуми да не се објавуваат било какви информации, без претходно да бидат проверени“,
се вели во соопштението на СЈО.
Откако е актуелен случајот „Рекет“ името на Стефанова постојано е во медиумите – се лицитира со нејзина наводна одговорност во овој случај. Стафанова не е осомничена, ниту пак кај неа дома бил вршен било каков претрес.