Американскиот претседател Доналд Трамп вчера го имаше првиот систематски преглед во неговиот втор мандат, а Белата куќа ќе ги објави целосните резултати од прегледот што е можно поскоро, изјави портпаролката Каролин Левит
Американскиот претседател Доналд Трамп вчера изјави дека неговиот физички преглед поминал добро, дека направил когнитивни и кардиолошки тестови и дека смета оти извештајот за ова ќе биде објавен во недела.
„Мислам дека помина добро… секој тест што можете да го замислите, бев таму долго време, годишен преглед“,
им рече Трамп на новинарите на авионот „Ер форс уан“ за физичкиот преглед.
Трамп исто така рече дека полагал когнитивен тест и дека сите одговори ги дал точни.
From Donald Trump Truth Social 04/11/25 10:05 PM pic.twitter.com/zwKIStRbHE
— Donald J. Trump Posts From His Truth Social (@TrumpDailyPosts) April 12, 2025
„Се чувствував како да сум во многу добра форма во целина. Добро срце, добра душа, многу добра душа, и полагав – сакав да бидам малку поинаков од Бајден. Полагав когнитивен тест и не знам што да ви кажам освен дека секој одговор беше точен“,
рече Трамп.
Тестот, познат како Монтреалска когнитивна проценка (MoCA), се користи за откривање на рани знаци на когнитивно оштетување и вклучува едноставни задачи, како што се препознавање животни, цртање часовник и меморирање зборови.
На прашањето во петокот дали медицинскиот тим предложил какви било промени во неговите навики, претседателот рече дека тие биле мали, но не даде дополнителни детали.
Американскиот претседател Доналд Трамп вчера го имаше првиот систематски преглед во неговиот втор мандат, а Белата куќа ќе ги објави целосните резултати од прегледот што е можно поскоро, изјави прес-секретарот Каролин Левит.
Трамп во јуни ќе наполни 79 години, а со преземањето на претседателството на САД во јануари стана најстариот претседател во историјата на САД.
Трамп помина неколку часа на прегледот кај лекарите во Медицинскиот центар „Волтер Рид“, а на почетокот на неделава, во понеделникот, на платформата Трут соушал (Truth Social), објавувајќи го планираниот систематски преглед, напиша дека никогаш не се чувствувал подобро, но дека „овие работи мора да се направат!“.
Белата куќа обично одредува кои информации ќе бидат објавени врз основа на лекарскиот преглед на претседателот, а Трамп не е принуден да објавува никакви информации.
За време на претседателската кампања, тој објави само ограничени информации за своето здравје, повлекувајќи само „остри контрасти“ со неговиот претходник Џо Бајден, кој сега има 82 години, тврдејќи дека е помлад и е во форма.
Во 2018 година, кога Трамп го отслужуваше својот прв мандат, лекарот од Белата куќа рече дека претседателот генерално е во одлична здравствена состојба, но дека треба да ослабне и да почне да вежба секојдневно.