Северна Македонија е дел од Системот за командување со инциденти од следната генерација на НАТО (NICS) за координација на напорите на земјата да одговори на кризата со ковид-19 и воедно на својата јавност да ѝ обезбеди информации и совети во реално време.
Веста на својот твитер-профил ја сподели и портпаролката на НАТО Олеана Лунгеску.
NICS обезбедува информации во реално време за тековниот статус на пандемијата, како и информации со кого треба да се контактира за обезбедување храна и лекови.
Врз основа на овој систем, ситуацијата во нашата земја може да се следи на следниот линк: http://nicspublic.cuk.gov.mk.
Македонија го усвои системот NICS во 2019 година на координација на државните институции во случај на вонредна состојба. Сега овој систем Центарот за управување со кризи го адаптира за подобрување на активностите на земјата во однос на справувањето со коронавирусот.
Системот им овозможува на сите институции во земјава, како и на организации како Црвениот крст, да комуницираат и да ги координираат своите активности што е можно поефикасно.
Системот NICS е дел од проектите на НАТО „Наука за мир и безбедност“ (SPS), „Напреден регионален пилот за координација на цивилни вонредни состојби“ (ARCECP), које е заедничка соработка помеѓу лабораторијата „Линколн“ на Институтот за технологија во Масачусетс, на Директоратот за наука и технологија при Министерството за внатрешни работи на САД, Босна и Херцеговина, Хрватска, Северна Македонија и Црна Гора.