Опишувајќи ја Украина како многу покорумпирана земја од Русија, Доналд Трамп Помладиот го окарактеризира Зеленски како еден од најголемите маркетери на сите времиња, за кој рече дека станал гранично божество, особено за левичарите
Доналд Трамп Помладиот – најстариот син на американскиот претседател Доналд Трамп, изјави дека неговиот татко би можел да се откаже од Украина, или поточно, да се повлече од мировните преговори.
На прес-конференција во рамки на Форумот во Доха, тој ја критикуваше Украина, велејќи дека е заробена во корупција, а дека токму тоа ја поттикнува војната меѓу Киев и Москва. Опишувајќи ја Украина како многу покорумпирана земја од Русија, тој го окарактеризира украинскиот претседател како еден од најголемите маркетери на сите времиња, за кој рече дека станал гранично божество, особено за левичарите.
Оцени дека Володимир Зеленски го продолжува конфликтот затоа што, како што рече, знае дека не може да победи на изборите што би се одржале во Украина ако војната заврши.
На прашањето дали Трамп би можел да се повлече од посредувањето во спорот со Украина, неговиот син рече:
„Мислам дека би можел. Она што е добро кај мојот татко е тоа што не знаете што ќе прави. Фактот дека е непредвидлив ги принудува сите да се однесуваат интелектуално чесно.“