Синот на Муса Џафери заработи кривична пријава за нападот врз Бислимоски

МВР изготвило и писмено известување до ОЈО Скопје, извршени се разговори со сведоци на настанот, обезбедена е видеоснимка, а пријавениот го признал делото

Аријанит Џафери, син на поранешниот функционер Муса Џафери, заработи кривична пријава за насилство поради физичкиот напад врз претседателот на Регулаторната комисија за енергетика, Марко Бислимовски.

Инцидентот се случил синоќа во угостителски објект во Дебар Маало во Скопје, а како што објави „Дојче веле“, причина за нападот е постапката за одземање лиценца на фирма која се занимава со снабдување со струја.

(ВИДЕО) Синот на Муса Џафери физички го нападнал првиот човек на Регулаторна, Бислимовски

„Во врска со случајот кој синоќа околу полноќ во СВР Скопје го пријави М.Б. (45) од Скопје дека на тераса од угостителски објект на подрачјето на Центар бил физички нападнат од А.Џ. (28) од Скопје, ја известуваме јавноста дека случајот е целосно расчистен и против А.Џ. ќе биде изготвена кривична пријава за кривично дело насилство по член 386 од Кривичниот законик“,

велат од Министерството за внатрешни работи.

Николовски го осуди нападот врз Бислимоски: Се постапува по случајот, ова е правна држава

МВР изготвило и писмено известување до ОЈО Скопје, извршени се разговори со сведоци на настанот, обезбедена е видеоснимка, а пријавениот го признал делото.

„Извршен е разговор со пријавениот А.Џ., кој во целост го призна делото, и по консултација со јавен обвинител ќе биде изготвена кривична пријава за кривично дело насилство по член 386 од КЗ“,

велат од МВР.

Бислимоски е добар, ќе работиме врз основа на аргументи, а не на физичка сила, велат од РКЕ