Едно лице загина, а девет се повредени во силниот земјотрес со интензитет од 5,7 степени според Рихтеровата скала, кој вчера ја погоди турската провинција Бингол, соопштија властите во Анкара.
Во земјотресот се оштетени неколку десетици куќи и згради, истакна Директоратот за природни катастрофи и вонредна состојба.
Двајца припадници на безбедносните сили се повредени при уривање на набљудувачка кула, а еден од нив подоцна починал в болница.
Осум лица се повредени во неколку села, вклучувајќи и едно дете.
Како што се наведува, поставени се околу 550 шатори, како и една спасувачка екипа во регионот, со цел да му се помогне на локалното население.