Сиљановска-Давкова за утре напладне го свика Советот за безбедност

Утрешната ќе биде втора седница на највисокото советодавно тело во земјата по конститутивната што се одржа на 4 ноември лани

Претседателката на државата Гордана Сиљановска-Давкова за утре напладне го свика Советот за безбедност.

Утрешната ќе биде втора седница на ова тело по конститутивната што се одржа на 4 ноември лани.

• Се конституира Советот за безбедност – состојбата во државата е стабилна и нема индиции за загрозеност на границите

Советот за безбедност е највисокото советодавно тело во земјата кое ги разгледува прашањата поврзани со безбедноста и одбраната.

Членови на Советот по функција се претседателот на Собранието, Африм Гаши, премиерот Христијан Мицкоски, министерот за внатрешни работи Панче Тошковски, министерот за одбрана Владо Мисајловски, министерот за надворешни работи и надворешна трговија Тимчо Муцунски и тројца членови именувани од претседателката – Џевдет Хајредини, Малинка Ристевска-Јорданова и Владо Спиридонов.

На утрешното заседание на Советот за безбедност, на покана на Сиљановска-Давкова, ќе присуствуваат и директорот на Агенцијата за национална безбедност, Бојан Христовски, директорката на Агенцијата за разузнавање, Габриела Јаковлева и директорот на Дирекцијата за заштита и спасување, Стојанче Ангелов.