Претседателката денеска се обрати на Состанокот на Северноатлантскиот совет, на Самитот во Хаг, каде што истакна дека НАТО се соочува со бројни закани и за да се зачува мирот и безбедноста, потребна е колективна одбрана
Претседателката на државата Гордана Сиљановска-Давкова денеска имала кратка средба со американскиот претседател Доналд Трамп во Хаг, каде што се одржува Самитот на НАТО, информира таа на својот официјален фејсбук-профил.
„Кратка средба со американскиот претседател Доналд Трамп, симболичен гест на почит и партнерство.
напиша Сиљановска-Давкова на Фејсбук, каде што се објавени и фотографии од средбата со Трамп на која присуствувал и шефот на дипломатијата Тимчо Муцунски.
Остануваме посветени на сојузништвото со САД како наш клучен стратешки партнер во рамките на НАТО и пошироко“,
Претседателката денеска се обрати на Состанокот на Северноатлантскиот совет, на Самитот во Хаг, каде што истакна дека НАТО се соочува со бројни закани и за да се зачува мирот и безбедноста, потребна е колективна одбрана.
Сиљановска-Давкова на Самитот на НАТО во Хаг ја предводи македонската делегација во која се министрите за надворешни работи и надворешна трговија и за одбрана, Тимчо Муцунски и Владо Мисајловски, и началникот на Генералштабот на Армијата, генерал-мајор Сашко Лафчиски.
Членките на НАТО на Самитот во Хаг денеска се обврзаа да инвестираат пет отсто од БДП за одбраната до 2035 година.
Според договореното, од средствата во висина од пет отсто од БДП, најмалку 3,5 отсто годишно ќе бидат наменети за расходи за одбрана на НАТО, за потребите за основни одбранбени ресурси и за исполнување на Целите за способностите на Алијансата. Останатите 1,5 отсто од БДП годишно ќе бидат наменети за заштита на критичната инфраструктура, обезбедување на граѓанска подготвеност и отпорност, иновации и за зајакнување на одбранбената индустриска база.