За време на средбата, претседателката била детално информирана за тековната работа и клучните наоди од годишниот извештај за извршените ревизии
Почитувањето на наодите и препораките на Државниот завод за ревизија (ДЗР) е суштинско за унапредување на отчетноста и транспарентноста во јавниот сектор, нагласила претседателката Гордана Сиљановска-Давкова на денешната средба со раководниот тим на ДЗР, предводен од главниот државен ревизор, Максим Ацевски.
За време на средбата, претседателката била детално информирана за тековната работа и клучните наоди од годишниот извештај за извршените ревизии. Раководниот тим на ДЗР ѝ укажал Сиљановска-Давкова на најризичните состојби и нужноста од нивно брзо и ефикасно надминување. Дополнително, главниот државен ревизор ги презентирал тековните и планираните активности согласно годишната програма за работа.
„Претседателката изрази импресионираност од темелниот, стручен и професионален однос на ДЗР во вршењето на надлежностите, што ја вбројува во најпочитуваните државни органи дома, но и од надвор. Изрази особена поддршка за системскиот и транспарентен пристап кон работатата, укажувајќи на потребата од законско и домаќинско управување со јавните добра и средства, како и санкционирање на незаконските постапки“,
наведуваат од кабинетот на Сиљановска-Давкова.
На средбата се разговарало и за новиот Закон за државна ревизија, како и за потребата од гарантирање уставен статус на ДЗР, како гаранција за независност.