Бројот на починати од коронавирусот во Шведска денеска надмина 5 000. Досега има точно 5 041 смртен случај откако во последното деноноќие беа регистрирани 102 починати.
Шведскиот парламент, пак, реши да им оддаде почит. Претседателот на парламентот Андреас Норлен изјави дека им оддаваат почна на оние кои ги загубиле животите, но и на оние кои се заразиле, останале без работа.
„Пред да ја продолжиме борбата против пандемијата, да им оддадеме почит на нивните страдања и жртвувања. Да им порачаме на сите кои тагуваат и страдаат дека не се сами“,
им рекол Норлен на пратеници.
Шведска имаше помек пристап во борбата против Ковид-19, оставајќи ги отворени повеќето училишта, продавници и ресторани, а потпирајќи се само на социјално дистанцирање и хигиена.
Шпанија, пак, која е една од најпогодените земји во Европа, со околу 27 000 жртви и речиси 300 000 заразени, најави комеморација со која ќе им оддаде почит на настраданите.
Премиерот Педро Санчез објави дека на 16 јули ќе се одржи државна комеморација, а истата ќе ја води кралот Фелипе VI. Најавени е и присуство на високи функционери од ЕУ од Светската здравствена организација.
Со воведување карантин, забрани за какво било излегување на деца од домовите и запирање на голем дел од својата економија, на Шпанија ѝ беа потребни речиси два месеци да ја стабилизира состојбата со ковид-19.