Киев успеа да обезбеди договор од западните земји за испраќање тенкови во Украина за да помогнат во повлекувањето на руската инвазија во време кога Москва се обидува да ја сврти ситуацијата на бојното поле и да постигне напредок во источна Украина
Шпанија планира да испрати четири до шест германски тенка „леопард 2“ во Украина, објави денеска шпанскиот весник „Паис“ повикувајќи се на неименувани владини извори.
„Колку тенкови ќе бидат испратени ќе зависи од борбената готовност на тенковите и колку други земји ќе учествуваат во снабдувањето на Украина со тенкови“,
изјави изворот за шпанскиот весник.
Шпанското Министерство за одбрана не беше веднаш достапно за коментар.
Киев успеа да обезбеди договор од западните земји за испраќање тенкови во Украина за да помогнат во повлекувањето на руската инвазија во време кога Москва се обидува да ја сврти ситуацијата на бојното поле и да постигне напредок во источна Украина.
Украинскиот министер за надворешни работи Дмитро Кулеба вчера изјави дека неговата влада очекува во првиот бран да бидат испратени од 120 до 140 западни тенка од коалиција од 12 земји. Според него, овие тенкови би ги вклучиле германскиот „лоопард 2“, британскиот „челинџер 2“ и американскиот „М1 абрамс“, а Украина се надева дека ќе се постигне договор за испраќање на француските тенкови „леклер“.