Шпанија денеска ја укинува вонредната состојба прогласена поради пандемијата на коронавирусот и ги отвора границите за туристи од ЕУ, земјите од Шенген зоната и од Велика Британија.
Тие можат да ја посетата земјата без обврска да поминат две недели во карантин. Туристите при влез ќе треба да дадат податоци од каде дошле, ќе им се мери температурата и ќе им се земаат и информации за тоа каде ќе одат во случај да треба да бидат ставени под надзор.
Единствено, Шпанија не ја отвори границата за соседна Португалија. За беа, рампата ќе биде крената на 1 јули, јавува „Ројтерс“.
Туризмот е значаен за Шпанците бидејќи сочинува 12 % од економијата на земјата.
Минатата недела Шпанија имаше „пробно отворање“ на границите кога прими 1 500 туристи од Германија кои заминаа на Мајорка.
Покрај за туристи, во земјата во текот на кризата беше забрането и движење од еден во друг регион.
Шпанија е една од најпогодените земји од кризата, досега регистрираше речиси 250 000 случаи со коронавирус и околу 28 300 смртни случаи.