Бродоломот го преживеале 34 мигранти, кои биле спасени од туниските власти
Најмалку 30 мигранти се водат за исчезнати и се стравува дека се мртви, откако нивниот брод денеска се превртел во Медитеранот, во близина на брегот на Тунис, соопшти Агенцијата за миграција на Обединетите нации (ИОМ) , пренесе ДПА.
ИОМ на Твитер соошти дека досега се извлечени телата на шест мигранти.
#BREAKING: More than 30 migrants are missing at sea and feared dead after a boat capsized off #Tunisia today. According to 34 survivors rescued by Tunisian authorities, the boat departed from Libya yesterday morning carrying some 70 migrants. 6 bodies have so far been retrieved.
— IOM MENA (@IOM_MENA) January 27, 2022
Бродоломот го преживеале 34 мигранти, кои биле спасени од туниските власти. Бродот тргнал вчера од Либија, а на него имало околу 70 мигранти, додаде ИОМ.
Либија е главната транзитна рута за мигрантите, кои се обидуваат да стигнат до Европа по море откако во оваа северноафриканската земја завладеа хаос по бунтот во 2011 година, со кој беше соборен долгогодишниот диктатор Моамер Гадафи, појаснува ДПА.
Секоја година, илјадници мигранти ги ризикуваат своите животи преминувајќи од Тунис и Либија во потрага по подобар живот во Европа.