Локалниот весник „Украинска правда“ објави дека инцидентот се случил во близина на градот Краматорск, западно од Бахмут – украински град заземен од руските сили каде што и натаму продолжуваат тешките борби. Инцидентот, според украинскиот медиум, се случил под непознати околности
Шест припадници на украинските вооружени сили загинаа при пад на два хеликоптера.
Во соопштението на украинската војска се наведува дека војниците „биле убиени“ додека биле на мисија во близина на градот Бахмут на истокот на земјата. Не се дадени повеќе детали за смртоносниот инцидент во кој учествувале два хеликоптери „Ми-8“ на украинската војска.
Локалниот весник „Украинска правда“ објави дека инцидентот се случил во близина на градот Краматорск, западно од Бахмут – украински град заземен од руските сили каде што и натаму продолжуваат тешките борби.
Двата хеликоптера, според „Украинска правда“, биле целосно уништени, а телата на шестемина војници биле пронајдени под урнатините на местото на несреќата.
Инцидентот, според украинскиот медиум, се случил под непознати околности.
⚡️ Media: 6 Ukrainian pilots killed in crashed helicopters in Donetsk Oblast.
— The Kyiv Independent (@KyivIndependent) August 30, 2023
Six Ukrainian pilots died when two helicopters crashed in Donetsk Oblast on Aug. 29 under unknown circumstances, Ukrainska Pravda (UP) reported on Aug. 30.
? Alex Babenko/Getty Images pic.twitter.com/vyRbZGITW1
Причината за двојната хеликоптерска несреќа се истражува, а засега нема наводи дека хеликоптерите биле соборени.