Шест од седумте полициски службеници за кои се бараат мерки на претпазливост спроведени во Кривичниот суд

Тие се изведени пред судија на претходна постапка, кој треба да одлучи по барањето на Обвинителството за определување мерки на претпазливост

Шест од седумте полициски службеници, со кои e проширена истрагата за пожарот во Кочани, а за кои Основното јавно обвинителство за гонење организиран криминал и корупција (ОЈО ГОКК) денеска побара да им се определат мерки на претпазливост, попладнево се спроведени во Основниот кривичен суд Скопје.

Тие се изведени пред судија на претходна постапка, кој ќе треба да одлучи по барањето на Обвинителството за определување мерки на претпазливост.

• Коцевски: Издадена е наредба за приведување уште седум полициски службеници во врска со пожарот во Кочани

ОЈО ГОКК денеска отвори истрага против десет полициски службеници за пожарот во Кочани. За седум од нив предложи да им се определи мерка на претпазливост. Шест од нив беа лишени од слобода, а по еден се трага. Другите тројца осомничени се обезбедени со претходната постапка.

• МВР поднесе кривични пријави, а ОЈО ГОКК поведе истрага против десет полициски службеници во врска со трагедијата во Кочани