Реакција стигна и од Белград, од српскиот министер за одбрана Александар Вулин кој ја спореди ОВК со Исламската држава, а нивните симболи со кукаст крст
Моја обврска како министер за одбрана не беше да зборувам за минатото, туку да ги лечам раните од минатото и да не дозволам тоа што се случи во 2001 никогаш да не се повтори. И тоа го направив, изјави денеска министерката за одбрана Радмила Шекеринска во Битола, во врска со коментарите на социјалните мрежи за нејзината средба со градоначалникот на Општина Кичево, Фатмир Дехари во неговата канцеларија, каде има симболи на УЧК.
„Реакциите за средбата со градоначалникот на Кичево главно доаѓаат од тие кои од 11 дури 9 години беа во коалиција со Фатмир Дехари, кој немал различна канцеларија. Јас имам почит кон граѓаните, и кога како министер имам средби со официјални претставници на граѓаните, јас влегувам во домот на граѓаните, а не во нечиј личен дом. Моја обврска како министер за одбрана не беше да зборувам за минатото, туку да ги лечам раните од минатото и да не дозволам никогаш да не се повтори тоа што се случи во 2001-ва, и тоа го направив. Нашата држава е членка на НАТО и граѓаните знаат дека такво нешто никогаш повеќе нема да биде страв за нашата држава, а оние што зборуваат нешто требаше да сработат, јас моето го сработив“,
изјави Шекеринска.
Фотографијата предизвика бурни реакции на социјалните мрежи, а една од оние кои ја коментираше беше и професорката Гордана Сиљановска Давкова, која беше претседателски кандидат на ВМРО-ДПМНЕ. Сиљановска Давкова на постот под фотографијата напиша „Една слика- думи рој“.
Шекеринска вчера на Фејсбук напиша дека иконографиите не се репер за добро управување, туку тоа е служењето на граѓаните.
„Дејствата од 2001 се далеку зад нас. Нашето општество ја надмина воената криза на демократски и траен начин, за што сведочиме денес, 19 години подоцна, кога сме членка на НАТО. Во 2020 година најважно е дали политичарите им служат на граѓаните. Иконографиите не се репер за добро управување, служењето на граѓаните е репер“,
напиша Шекеринска.
Реакција од Вулин
Освен реакциите на социјалните мрежи, коментар за фотографијата имаше денеска и министерот за одбрана на Србија Александар Вулин кој направи споредба на ОВК со Исламската држава.
„Позирањето под симболите на терористите кои несомнено се виновни за убиство на стотина цивили, жени и деца и да кажете дека на тој начин им се служи на граѓаните не не ниѓто помалку лицемерно откаколку да се сликате под знамето на Исламската држава и да зборувате за верска толеранција“, изјави Вулин, пренесе РТС и додава:
изјави Вулин, пренесе РТС и додава:
„Доколку велите дека изминало многу време како доволно оправдување за се’ да се заборави и дека знамињата под кои се направени ѕверства не се веќе важни, тогаш прашувам зошто министерката Шекеринска не би се сликала под кукаст крст и да објасни дека поминале 75 години од оружените судири и дека сега е време за добро управување“,
вели Вулин во коментарот.