Прекинот на електричната енергија би имало сериозни последици. Морате да замислите ситуација кога нема да може да земате пари од банкомат, да плаќате со картички во продавница или да наполните гориво на пумпите, а греалките нема да работат, вели Фреди Фаслер
Швајцарците би можеле да предизвикаат немири доколку во текот на зимата дојде со прекин во снабдувањето со електрична енергија, изјави началникот на швајцарската полиција Фреди Фаслер.
„Прекинот на електричната енергија би имало сериозни последици. Морате да замислите ситуација кога нема да може да земате пари од банкомат, да плаќате со картички во продавница или да наполните гориво на пумпите, а греалките нема да работат“,
вели Фаслер.
Според него, во тој случај би требало да се претпостави дека народот ќе се побуни.
Тој потенцира дека ова е негова претпоставка, која не значи и дека ќе се случи, но посочи дека надлежните треба да бидат подготвени за најлошото сценарио.
Фаслер додава дека Швајцарија активно се подготвува за можност од прекини на струја во текот на зимата и дека испораката на електрична енергија е главен фокус на властите.
Шефот на енергетскиот регулатор (Елком) Вернер Лугинбил неодамна за „Ное Цурихер Цајтунг“ (НЗЗ) ги повика граѓаните на Швајцарија да размислуваат да имаат свеќи во куќата во случај на неколкучасовен прекин на струја.
Тој рече и дека се размислува и за воведување забрана за употреба на уреди за правење снег и за продажба на електрични греалки.