Шефот на НАТО до Трамп: Ме боли ако мислите дека сојузниците нема да ви дојдат на помош

На вчерашниот брифинг во Белата куќа, Трамп праша дали НАТО ќе им помогне на Соединетите Американски Држави доколку им е потребна поддршка

Американскиот претседател Доналд Трамп разговараше во Давос со генералниот секретар на НАТО, Марк Руте.

На вчерашниот брифинг во Белата куќа, Трамп праша дали НАТО ќе им помогне на Соединетите Американски Држави доколку им е потребна поддршка.

„Големиот страв што го имам во врска со НАТО е дека трошиме огромна сума пари за НАТО и знам дека би им дошле на помош, но навистина се прашувам дали тие би ни дошле на помош“,

рече Трамп.

Денес Руте директно ги поби тие изјави откако претходно нагласи дека САД се целосно посветени на НАТО.

„Едно нешто што ве слушнав вчера е дека не бевте сосема сигурни дали Европејците ќе им дојдат на помош на САД доколку бидат нападнати. Дозволете ми да ви кажам – ќе дојдат“,

му рече Руте на Трамп.

🇺🇸 NATO Secretary General Mark Rutte to Trump:
There is one thing I heard you say yesterday and today.

You were not absolutely sure that the Europeans would come to the rescue of the U.S. if you will be attacked. Let me tell you, they will.

They did in Afghanistan, as you… pic.twitter.com/rtcssmD4wd

— Visioner (@visionergeo) January 21, 2026

Руте ја наведе војната во Авганистан како пример за поддршката на Алијансата во минатото.

„Можете да бидете апсолутно сигурни дека доколку САД некогаш бидат нападнати вашите сојузници ќе бидат тука за вас. Тоа е апсолутна гаранција. Не ме интересира дали мислите поинаку, а под ваше водство овој сојуз е посилен од кога било“,

рече тој.

Трамп му се заблагодари за тоа нарекувајќи го огромен комплимент.

Тој пред средбата со Руте, одговарајќи на новинарско прашање, дали гледа „разумна“ цена за САД да го преземат Гренланд, изјави:

„Би можел да го видам тоа, да… би можел да го видам тоа“.

Потоа додаде дека има поголема цена.

„Тоа е цената на безбедноста и сигурноста, националната безбедност и меѓународната безбедност. И, како што знаете, работиме на Златната купола, ќе биде многу скапа. И подобро е да го имаме Гренланд отколку да го немаме. Ќе биде побезбедно, ќе биде посилно, ќе биде подобро за Европа и ќе биде подобро за нас“,

додаде тој.

Потоа претседателот беше прашан какви би биле последиците за Данска ако не се согласи со договорот за Гренланд, на што тој му одговори на новинарот:

„Ќе мора сам да го сфатиш тоа. Ти си паметен човек“.