Како што соопшти Министерството за надворешни работи, во фокусот на разговорите на министерот за надворешни работи Бујар Османи и неговиот колега Александер Шаленберг ќе биде евроинтеграцискиот процес на нашата земја, состојбите во регионот, како и билатералната соработка со акцент на економијата
Министерот за надворешни работи Бујар Османи денеска ќе биде домаќин на сојузниот министер за европски и меѓународни работи на Република Австрија, Александер Шаленберг, кој e во еднодневна работна посета на Република Северна Македонија.
Како што соопшти Министерството за надворешни работи, во фокусот на разговорите на Османи и Шаленберг ќе биде евроинтеграцискиот процес на нашата земја, состојбите во регионот, како и билатералната соработка со акцент на економијата.
Соговорниците ќе се осврнат и на политичко-економските реперкусии врз Европа, како последица на руската инвазија на Украина, како и на мултилатералната соработка, со акцент на претстојното претседавање на Република Северна Македонија со ОБСЕ во 2023 година.
Покрај средбата со Османи, министерот Шаленберг ќе оствари средби и со претседателот на државата, Стево Пендаровски, претседателот на Владата, Димитар Ковачевски, како и со други високи државни и политички претставници од земјава.