На прашањето дали за време на Советот е забележан некаков напредок во односите со РСМ во изминатите шест месеци, Бориславова одговори: „МНР работи и она што е објавено е дека коалицијата ќе дејствува заедно во оваа фаза. Нека работат експертите и нека го најдат најдобриот начин да го заштитат бугарскиот интерес“
Коалицијата имаше многу конструктивен дијалог на темата Република Северна Македонија и го потврди ветувањето што го дадовме дека оваа тема нужно ќе помине низ Народното собрание. Дотогаш ќе ги оставиме дипломатите на МНР кои го бранат бугарскиот интерес.
Ова го изјави шефицата на кабинетот на бугарскиот премиер Кирил Петков, Лена Бориславова по состанокот на Коалицискиот совет што се одржа вечерва во Советот на министри, јави БГНЕС.
„Ниту владата ниту кабинетот ќе бидат тие што ќе го предадат бугарскиот национален интерес. Апсолутно стоиме зад идејата за широка поддршка доколку има чекори за PCM“,
рече Бориславова.
На прашањето на БГНЕС дали за време на Советот е забележан некаков напредок во односите со РСМ во изминатите шест месеци, Бориславова одговори:
„МНР работи и она што е објавено е дека коалицијата ќе дејствува заедно во оваа фаза. Нека работат експертите и нека го најдат најдобриот начин да го заштитат бугарскиот интерес“.
Бориславова рече дека премиерот Кирил Петков се уште не разговарал со претседателот Румен Радев за потребата од свикување на Консултативниот совет за национална безбедност за РСМ.
Шефицата на кабинетот на Петков на крајот рече дека вечерашниот коалициски совет бил еден од „најпријатните“ и најплодните“ што се одржале досега, додавајќи дека коалицијата е решена да работи уште подобро заедно.
Пред почетокот на состанокот, претставниците на двете партии во Владата „Има таков народ“ и „Демократска Бугарија“ се изјаснија дека нема услови за кревање на ветото за С Македонија.
Претходно претседателот Румен Радев исто така рече дека почетокот на преговорите да не се врзува со рокови, туку со резултати, особено во однос на правата на Бугарите во РСМ и очекува Коалицискиот совет вечерва да ги следи одлуките што ги донесе Консултативниот совет за национална безбедност во јануари во однос на Северна Македонија.