Предлог-законот за спречување и заштита од насилство врз жените и семејното насилство кој е во собраниска процедура е темелот, основата во борбата против сите форми на насилство врз жената и семејството, порачува министерката за труд и социјална политика Јагода Шахпаска.
Законот предвидува надлежните институции во постапките за родово базирано насилство врз жените и семејството да постапуваат итно и со должно внимание на интересите и потребите на жртвите, да ги заштитат и да придонесат за нивна реинтеграција во системот.
„Судот има обврска, веднаш, а најдоцна во рок од 24 часа по приемот на предлогот од МВР и полицискиот извештај, без да одржи рочиште, да одлучи за изрекување на итна мерка за заштита ’отстранување на сторителот од домот и забрана за приближување до домот‘“,
вели Шахпаска.
Предлог-законот, нагласува таа е во согласност со стандардите од Истанбулската конвенција.