Од нашиот регион, Словенија, БиХ и Црна Гора гласаа за резолуцијата, Хрватска беше против, додека Србија, Албанија, Македонија, Бугарија и Грција биле воздржани
Македонија беше меѓу земјите кои се воздржаа за Резолуција со која се повикува на итно хуманитарно примирје во Појасот Газа, усвоена доцна синоќа во Генералното собрание на Обединетите нации.
Резолуцијата, предложена од Јордан, ги осудува сите акти на насилство врз палестинските и израелските цивили, вклучително и сите „терористички и неселективни напади“.
Резолуцијата на ОН со која се повикува на непречена помош и заштита на цивилите доби 120 гласа „за“, 14 „против“ и 45 „воздржани“.
BREAKING: UN General Assembly ADOPTS resolution on “protection of civilians and upholding legal and humanitarian obligations” on the ongoing Gaza crisis
— UN News (@UN_News_Centre) October 27, 2023
FOR: 120
AGAINST: 14
ABSTAIN: 45
LIVE COVERAGEhttps://t.co/MOnKoTdNsb pic.twitter.com/WG68GaxMMV
Од нашиот регион, Словенија, БиХ и Црна Гора гласаа за резолуцијата, Хрватска беше против, додека Србија, Албанија, Македонија, Бугарија и Грција биле воздржани.
Од земјите членки на Европската Унија воздржано гласале и Германија, Италија, Холандија…
Против оваа резолуција од Европа гласаа Австрија, Чешка, Хрватска и Унгарија.
Одлуките на Генералното собрание не се правнообврзувачки, но имаат морална тежина.
Шефот на израелската дипломатија Ели Коен ја отфрли резолуцијата на Генералното собрание на Обединети нации со која се повикува на прекин на огнот во Појасот Газа.
Тој резолуцијата ја нарече одвратна.
„Ние целосно го отфрламе одвратниот повик на Генералното собрание на ОН за прекин на огнот. Израел има намера да го елиминира Хамас, исто како што светот се справи со нацистите и ИСИС“,
напиша Коен на платформата Икс.