Јавен обвинител доставил предлог до судија на претходна постапка од Основниот кривичен суд Скопје за определување мерка притвор, ценејќи ја опасноста од бегство, како и веројатноста осомничениот да го повтори насилството, кое го вршел и во присуство на ќерките и на малолетната внука
Основното јавно обвинителство Скопје поведе постапка против 67-годишен жител на село Петровец за нанесување тешка телесна повреда при вршење семејно насилство.
Осомничениот, како што велат од Обвинителството, со умисла тешко телесно ја повредил својата сопруга. Настанот се случил на 28 октомври во семејниот дом, по кратка вербална расправија.
Според Обвинителството, осомничениот физички ја нападнал сопругата, ја удирал со раце и нозе по целото тело и главата, ја гушел и се обидувал да ѝ ги врзе нозете со каиш.
„Жената на моменти губела свест, но успеала да се ослободи и да избега преку прозорецот кај соседите за да побара помош“,
велат од Обвинителството.
Од насилството, жената се здобила со тешки повреди, вклучувајќи скршеници на три ребра и хематоми.
Јавен обвинител доставил предлог до судија на претходна постапка од Основниот кривичен суд Скопје за определување мерка притвор, ценејќи ја опасноста од бегство, како и веројатноста осомничениот да го повтори насилството, кое го вршел и во присуство на ќерките и на малолетната внука.