Претседателот на Алијансата за Албанците, Зијадин Села во интервју за „360 Степени“ го кажа ставот на партијата за одржување на изборите.
„Да го кажам тоа што го кажуваат сите. Најважно е здравјето на граѓаните во оваа ситуација, но ова да не биде само обичен збор туку да постапуваме во оваа насока, сите политички субјекти велат дека здравјето на граѓаните е пред се. Затоа, во оваа насока треба да се почитуваат одлуките кои ќе ги донесат експертите во областите, Комисијата за заразни болести треба да донесе одлука и да каже дали има или не услови за избори. Нашата одлука како политички субјект за денот на изборите секогаш беше…имаме идеја кога можат да се одржат основајќи се на тоа што го кажуваат повеќето од епидемиолозите и виролозите кај нас и целиот свет, со самиот факт дека треба да внимаваме на одредени работи. Изборите мора да се одржат. Периодот кога треба да се одржат треба да се одлучи на лидерската средба, но лидерите треба да имаат предвид некои работи. Треба да се следи состојбата со коронавирусот во глобално ниво. Треба да се следат и најавите на разни експерти. Се зборува дека коронавирусот може да има нов бран наесен. Тогаш, не смееме да ризикуваме да ги чекаме изборите до есен, во меѓувреме, ситуацијата може да има нов бран и не знаеме што ќе носи бранот во С. Македонија. Затоа, експертите велат дека вирусот не исчезнува туку го губи ефектот при високи температури и највисоките температури во С. Македонија се крајот на јули почетокот на август. Ние мислиме да ги одржиме изборите во овој период кога температурите се високи…и вирулентноста на вирусот е помала. Но, од друга страна главен предуслов за да зборуваме за избори е дека треба да бидат присутни и меѓународните набљудувачи, бидејќи Македонија има незрела демократија, за да бидат изборите кредибилни треба да бидат присутни и набљудувачите од ОБСЕ/ОДИХР да ги набљудуваат изборите. Ова е главен предуслов. Се додека границите се затворени, ние не можеме да знаеме кога ќе бидат тука присутни. Од друга страна избирачкиот список беше отворен во предвидениот рок со изборите на 12 април, но оттогаш поминаа месеци и има други граѓани кои го добиле правото за глас, и пак треба да се разгледаат избирачките списоци, како што има граѓани кои починале и треба да се отстранат од избирачкиот список. Има и многу други елементи кои треба да се земат предвид, за да се одлучи за денот на изборите. Ние цениме дека крајот на јули почетокот на август се рокови кои може да се почитуваат, вирулентноста на вирусот да биде помала, за да не се загрози животот на граѓаните. Но, од друга страна крајот на јули има и друга порака, не може да одржиш избори кога границите се затворени. Ние имаме многу државјани кои живеат во странство. Се поставува прашањето дали имаат право и тие да гласаат на избори? Да, имаат право. Затоа изборите треба да се одржат кога ќе се отворат границите, за секој граѓанин да го реализира своето право за гласање и да ги изгради демократските институции на земјата“,
вели Села.