Бизнисменот Сеад Кочан вечерва е спроведен во затворот во Идризово, потврди Кривичниот суд.
„По добивање на целокупната документација поврзана со новото барање за одлагање со отпочнување со издржување на затворската казна на еден од обвинетите во предметот „Труст“, судија за извршување санкции донесе решение со кое го отфрли барањето како недозволено и издаде наредба осуденото лице со полициска придружба веднаш да биде спроведено во надлежната казнено-поправна установа“,
стои во соопштението од судот.
Информацијата за 360 степени ја потврдија и од МВР чии припадници на полициската единица „Алфа“ вечерва го привеле и го пренесле осудениот бизнисмен Сеад Кочан во затворот во Идризово.
Кочан е осуден на 4 години и 8 месеци за лажирање документација за учество на тендер на државната компанија ЕЛЕМ (сега ЕСМ) во вредност од 17 милиони евра.