Се обезбедуваат лица осомничени за злосторничко здружување, перење пари, даночна измама и даночно затајување од поголеми размери
Се вршат претреси на повеќе локации низ државата, информираат денеска од Основното јавно обвинителство за гонење организиран криминал и корупција (ОЈО ГОКК).
„Под раководство на јавен обвинител од ОЈО ГОКК, истражители од ОЈО ГОКК со асистенција на полициски службеници од Министерството за внатрешни работи (МВР) вршат претреси на повеќе локации во државата“,
се вели во соопштението од ОЈО ГОКК.
Оттаму додаваат дека се обезбедуваат лица осомничени за злосторничко здружување, перење пари, даночна измама и даночно затајување од поголеми размери.
Како што објавија дел од медиумите, меѓу приведените се и вработени во Управата за јавни приходи (УЈП).
Повеќе информации за акцијата, од ОЈО ГОКК најавуваат во текот на денот.