Сепак, тој апелира да се почитуваат мерките, како што е носење маска во затворени простории и при групирања
Засега останува мерката да се користат само отворените делови на рестораните и баровите, а за натамошни олеснувања на мерките ќе се разговара по 15 јуни.
Министерот за здравство Венко Филипче вели дека засега не може да се даде предвидување какво лето нѐ очекува, но се надева на два месеци стабилна состојба.
„Никој никаде не може да даде гаранции за нормално лето. Може да има мутација која е позаразна и да ја смени сликата. Се случува во некои земји, а вакцинацијата помага да нема тешки состојби и смртни случаи. Имајќи ја превид ситуацијата кај нас, проценката е дека во следните два месеци состојбата ќе биде мирна, но мерките треба да се почитуваат. Маската, иако не е задолжителна надвор, кога има групирање, треба да се носи. Сегашните податоци го следат параметарот на намалување и дека состојбата се стабилизира“,
рече Филипче одговарајќи на новинарско прашање какво лето нѐ очекуваа во однос на состојбата со пандемијата.