Сè е подготвено, пописот може да почне в недела, тврдат од Владата

Сигурни сме дека населението со доверба ќе ги прими попишувачите и ќе ги даде потребните податоци, изјавија владините портпароли

Сè е подготвено за почнување на пописните активности на терен, на 5 септември (недела), информираа портпаролите на Владата, Душко Арсовски и Муамед Хоџа, на денешната редовна прес-конференција.

Информираа дека во сите комисии на 50 пописни реони завршија обуките на реонските инструктори и потоа и на реонските попишувачи. Во деновите до недела, кога во 8 часот утрото попишувачите ќе излезат на терен, ќе се вршат дополнителни обуки, но и обиколка на пописните кругови со кои се задолжени попишувачите. До недела, секој попишувач, заедно со својот реонски инструктор, ќе направи и план на движење низ пописниот круг, а со цел ниту еден објект ниту едно домаќинство да не остане неопфатено.

Симовски за условите во кои се организира пописот: Небитно е колкумина од попишувачите се вакцинирани, имаме јасни протоколи

Според владините портпароли, меѓу учесниците во пописните активности владее позитивно расположение и со нетрпение очекуваат да почне големата статистичка операција.

„Сигурни сме дека населението со доверба ќе ги прими попишувачите и ќе ги даде потребните податоци кои ќе овозможат подобра иднина за сите нас и за земјата во целина“,

истакнаа портпаролите на Владата.

Времено вработените во јавната администрација да се стават на располагање за пописот, бара Владата