Очен е обидот на ВМОР-ДПМНЕ со нарачани и лажирани анкети да го храбри Христијан Мицкоски во своите дестурктивни чекори и блокади, се вели во денешната реакција на СДСМ, во однос на претходно објавената анкета на ИПИС, според која доколку утре има парламентарни избори 21,2 отсто од граѓаните би гласале за ВМРО-ДМНЕ, додека 16,2 отсто би се одлучиле за СДСМ.
„Лажирани анкети по нарачка на ВМРО-ДПМНЕ не може да ја покријат неработата на градоначалниците од оваа партија во изминатите 6 месеци ниту пак криминалната матрица на ВМРО-ДПМНЕ. Оваа агенција и во 2020 година предидуваше победа на ВМРО-ДПМНЕ и коалицијата на парламентарните избори, па тоа не се случи, напротив. Предвидувањата им беа неточни, ВМРО-ДПМНЕ на парламентарните избори доживеа пораз“
реагираат од СДСМ.
Во анкетата стои и дека на прашањето во кој политичар граѓаните имаат најмногу доверба, испитаниците одговориле дека тоа е Христијан Мицкоски, кој според анкетата ужива двапати поголема доверба од актуелниот премиер Димитар Ковачевски.
Од СДСМ велат дека и покрај тоа „лажната анкета нема да му помогне на Мицкоски“.
„Ниту една лажна анкета нема да му помогне на Мицкоски. СДСМ има план, ќе се спротивстави на неговите обиди за блокада на државата. Нема да дозволиме нарачките од Груевски, спроведени од Мицкоски повторно да ја загрозат иднината на државата“,
додаваат од СДСМ.