Само една реклама на профилот на Мицкоски чини 600 евра, многу повеќе од минимална плата. Тоа што Мицкоски ги убедува граѓаните дека им е доволно за цел месец, го троши на Фејсбук за неколку дена, обвинуваат од СДСМ
Премиерот Христијан Мицкоски, кој јавно вели дека не пробал цреши, месечно троши илјадници евра за реклами на Фејсбук, обвинуваат од СДСМ. Оттаму додаваат и дека додека луѓето едвај врзуваат крај со крај поради огромните поскапувања, додека нема пари за поголема минимална плата и додека луѓе умираат бидејќи нема лекови, Мицкоски фрла илјадници евра за лајкови.
„Само една реклама на профилот на Мицкоски чини 600 евра, многу повеќе од минимална плата. Тоа што Мицкоски ги убедува граѓаните дека им е доволно за цел месец го троши на Фејсбук за неколку дена. Каков безoбразлук, какво лицемерие“,
велат од СДСМ.
Од СДСМ додаваат дека да се фрлаат илјадници евра за реклами на Фејсбук покажува дека на оваа власт не ѝ се важни граѓаните.
„За Мицкоски поважно е да фрла илјадници евра за лајкови, да се слика и да се снима, а за граѓаните баш му е гајле, нека се мачат како ќе го поминат месецот“,
се наведува во соопштението.