Наместо да работи на интеграција, Христијан Мицкоски сака да се прикажува како експерт за изолација и блокади, реагираат од СДСМ по денешната изјава на лидерот на ВМРО-ДПМНЕ, кој најави дека ја прекинува комуникацијата со Владата на билатерално ниво.
„ Со оглед на тоа дека Христијан Мицкоски во изминатиот период дијаметрално менува ставови во секоја изјава, не гледаме потреба да придаваме преголемо значење. Тоа е одлика на човек кој често менува став и нема основно чувство за државност. Мицкоски има право да се изолира себеси, но нема право да ја изолира државата. Неговата штетна политика на одбивање дијалог и обиди за блокади е доказ дека е подготвен и да ја закочи државата, да биде изолирана, само затоа што нема капацитет и не знае да реши ниту еден проблем и предизвик“,
се наведува во соопштението од СДСМ.
СДСМ нема да дозволи земјата да изгуби нови 11 години во изолација, како што се случи тоа во времето на шефот на Мицкоски, Никола Груевски, соопшти владејачката партија.
„Заедно со коалициските партнери и со сите партии кои се за европска иднина во европскиот блок ќе продолжиме со одговорно и државничко однесување. Ќе направиме сѐ за продолжување на европскиот пат на земјата, да ја внесеме Македонија во ЕУ и да ја релизираме стратешката цел“,
додаваат од СДСМ.