Кандидатот на ДУИ за градоначалник на Арачиново, Ридван Ибраими, ќе биде новиот градоначалник на Арачиново. Според 100% пребројани гласови од страна на Државната изборна комисија, Ибраими ја победи кандидатката и досегашна градоначалничка од редовите на СДСМ, Миликије Халими.
Неофицијалните резултати на интернет страницата на ДИК покажуваат дека Ибраими од ДУИ освоил 50,54% од гласовите, додека Халими освоила 47,99%. Во апсолутни бројки, Ибраими добил 3 026 гласа а Халими 2 873.
