Премиерот Христијан Мицкоски денеска изјави дека македонскиот систем институционално подобро се справил со трагедијата во Кочани отколку швајцарските институции по пожарот во барот во Кран-Монатана
Како не ти е срам Мицкоски? Што има добро во 63 изгубени животи? – реагираат од опозицискиот СДСМ откако претходно денеска премиерот Христијан Мицкоски изјави дека македонскиот систем институционално подобро се справил со трагедијата во Кочани отколку швајцарските институции по пожарот во барот во Кран-Монатана.
„Системската реакција на Македонија за трагедијата во Кочани била подобра од Швајцарија? Каква системска реакција? Згаснаа млади животи и секој ден се случува некоја трагедија. 63 жртви има поради системски пропусти, мајка и дете во Скопје го загубија животот поради системски пропусти на МВР, сериски убиец уби пет жени во Старо Нагоричане поради системски пропусти, пет тони дрога преку граница“,
велат од СДСМ.
Премиерот Христијан Мицкоски денеска изјави дека македонскиот систем институционално подобро се справил со трагедијата во Кочани отколку швајцарските институции по пожарот во барот во Кран-Монатана.
„Од аспект на системска реакција, кога ќе го споредиме тој настан со оној настан што се случи во дискотеката во Кран-Монтана во Швајцарија, неколкукратно подобро, верувале или не, македонскиот систем, македонските институции реагираа подобро отколку системот во Швајцарија и институциите во Швајцарија. И тоа се бројки“,
рече Мицкоски.