Српската музичка ѕвезда Аца Лукас завчера вечерта беше приведен во полициска станица во Кавадарци додека настапуваше во локал. Тој бил приведен околу 10 минути по полноќ, за време на контрола во угостителскиот објект од повеќе институции, вклучително и од полицијата од Кавадарци, инспектори за странци, пазарниот инспекторат, инспекторатот за труд и Управата за јавни приходи
Скандалот со приведувањето на српскиот пејач Аца Лукас и одговорите на градоначалникот Митко Јанчев потврдуваат дека на концертот имало преку 700 луѓе во локал кој по закон не смеело да има ниту 200, реагираат денеска од опозицискиот СДСМ по приведувањето на српскиот пејач завчера вечерта во локал во Кавадарци, додека имал настап.
„Ова значи дека и полицијата на Тошковски и општината на Јанчев знаеле за концертот, знаеле дека нема безбедносни услови тој да се одржи и ништо не презеле, дозволиле истиот да се случи, а дури во текот на настанот да биде прекинат. МВР, Тошковски и Јанчев мора да ги одоговорат: Зошто воопшто е дозволено настанот да започне и да влезат 700 луѓе кои со тоа се ставени во ризик од нова трагедија? Зошто и покрај тоа што јасно ги прекршиле безбедносните протоколи организаторите и сопственикот на локалот не се повикани на одговорност?Дали дискотеката ги запазила сите прописи, дали е регистрирана како ноќен клуб и кабаре, дали вака не е потенцијал за ново Кочани? Дали ништо не научија МВР и Тошковски, повторно дозволува да се случуваат ризични настани по безбедноста на граѓаните како оној во Кочани? Дали МВР намерно дозволиле повеќе часови да се одржи настанот па дури потоа го прекинале?“,
прашуваат од СДСМ.
Според информациите, додаваат оттаму, полицијата го прекинала настанот дури после полноќ односно во 00:10 часот откако тој со часови бил преполн од гости.
„СДСМ бара итно да се отвори истрага и да се санкционираат сите кои дозволиле да се случи настанот, од МВР кои ништо не презеле па се до организацијата. Тошковски мора итно да излезе и да одговори и да понесе одговорност“,
децидни се од најголемата опозициска партија.
Српската музичка ѕвезда Аца Лукас завчера вечерта беше приведен во полициска станица во Кавадарци додека настапуваше во локал. Тој бил приведен околу 10 минути по полноќ, за време на контрола во угостителскиот објект од повеќе институции, вклучително и од полицијата од Кавадарци, инспектори за странци, пазарниот инспекторат, инспекторатот за труд и Управата за јавни приходи.
Градоначалникот на Кавадарци Митко Јанчев, информира дека настапот на Лукас бил прекинат поради сериозни безбедносни пропусти, непријавен ангажман и прекршување на правилата за работа на локалот.
„Нема да дозволиме Кочани сценарио. Безбедноста е прва!“,
изјавил Јанчев за КТВ телевизија.
Тој објасни дека организаторите однапред поднеле барање до Општина Кавадарци за поставување урбана опрема и проширување на просторот за концерт, но барањето било одбиено поради проценка дека условите се небезбедни.
Јанчев истакна дека локалот има капацитет од 200 гости, а внатре биле затекнати дури 700 лица.
Тој напомена и дека ангажманот на самиот изведувач не бил пријавен ниту во Агенцијата за вработување, ниту во Министерството за труд, што претставува дополнителен прекршок.