Како што информираат од МВР, уапсени се А. Ј., С. Б. и С. Ј., сите од Скопје и против нив е поднесена кривична пријава до Основното обвинителство Скопје поради сомнение за сторено кривично дело тешки дела против општата сигурност по чл. 292, а во врска со чл. 288 од Кривичниот законик
Министерството за внатрешни работи вчера уапси три лица кои пред еден месец го запалиле автомобилот што го користеше сопругата на ексградоначалникот на Скопје, Петре Шилегов. Како што информираат од МВР, уапсени се А. Ј., С. Б. и С. Ј., сите од Скопје и против нив е поднесена кривична пријава до Основното обвинителство Скопје поради сомнение за сторено кривично дело тешки дела против општата сигурност по чл. 292, а во врска со чл. 288 од Кривичниот законик, објави сдк.мк.
На 27 април полициски службеници од СВР Скопје ги лишиле од слобода А. Ј., С. Б. и С. Ј., сите од Скопје. По преземени мерки и активности, утврдено е дека тие на 9 март во Скопје со запалива течност предизвикале пожар во патничко возило „ауди Q5“, од кој биле зафатени три други возила, „фолксваген пасат“, „нисан“ и „даеву матиз”, велат од МВР.
Како што дознаваме, за трите лица е побарана мерка притвор.