Од вкупно 474 казнети возачи, 161 возач ја пречекориле брзината во населено место, а 313 надвор од населено место
Само вчера на територија на цела држава, при зајакната акциска контрола, сообраќајната полиција казнила вкупно 474 возачи кои возеле со брзина над дозволената.
„Од нив, 74 возила се движеле со брзина над 50 километри на час повеќе од дозволеното, а 13 возила се движеле со дури над 70 километри на час повеќе од дозволеното. Притоа, 161 возач ја пречекориле брзината во населено место, а 313 надвор од населено место“,
соопштуваат од Министерството за внатрешни работи.
Оттаму додаваат оти зајакнатите акциски контроли ќе продолжат и во наредните денови.
„Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта“,
велат од МВР.