Италијанскиот вицепремиер и шеф на крајно десничарската партија Северна Лига, Матео Салвини, се закани со тужби по објавувањето на новинарска сторија дека негови соработници договарале Русија да ги спонзорира европските националистички партии.
„Сум тужел во минатото, ќе го сторам истото денеска, утре и задутре“,
изјави Матео Салвини.
Сторијата која ја објави еден од најголемите светски интернет портали „Базфид“ во себе содржи и тајно снимен разговор за кој се тврди дека се одвивал во московскиот хотел „Метропол“ во октомври 2018 година. Разговараат тројца Руси и тројци Италијани, меѓу кои е и блискиот соработник на Салвини, Џанлука Савоини. Накусо, се договараат како официјална Москва да ги помогне европските националисти, преку зделки со италијанскиот нафтен гигант „Ени“. Подетално за содржината на разговорот, можете да прочитате ТУКА.
Наспроти објавените разговори, ставот на Салвини е дека нема земено ништо што било финансирано од Русија.
„Никогаш не сум зел ниту рубља, ниту евро, ниту долар или пак литро вотка кои биле финансирани од Русија.“
изјави Салвини.