Дипломатски искри меѓу претседателот на Бугарија Румен Радев и амбасадата на Украина во Софија
Украинската амбасада во Софија остро реагира на изјавата на претседателот Румен Радев, кој вчера кажа дека Киев инсистира на војна за која Европа ја плаќа сметката.
„Украина е таа која најмногу сака мир, а агресорот е тој кој инсистира да води војна!“,
му одговорија од амбасадата на Радев.
Дипломатското претставништво потсетува дека Украина е таа која страда од руска воена агресија и апелира тоа да не го користат одредени политички сили во Бугарија за „политички цели“ во претстојната кампања за локални избори.
„Сакам да биде јасно дека Украина инсистира да ја води оваа војна, но треба да биде јасно и дека цела Европа ја плаќа сметката“,
изјави вчера Радев, јавија бугарските медиуми.