Причина се шеесетина случаи на згрутчување на крвта кои се регистрирани и се поврзуваат со овој тип на вакцина против ковид
САД соопштија дека не препорачуваат вакцинација со „Џонсон и Џонсон“. Причина се шеесетина случаи на згрутчување на крвта кои се регистрирани и се поврзуваат со овој тип на вакцина против ковид.
Сега само возрасните кои имаат „лична загриженост“ за МРНА вакцините, кои имаат проблеми со пристап до нив или медицински причини за нивно одбегнување, можат да ја добијат вакцината „Џонсон и Џонсон“.
Вакцината која се дава во една доза штити од вирусот во помала мера од оние развиени од „Фајзер“ и „Модерна“, оценија од Центрите за контрола и превенција на болести (ФДА) и ја советуваат јавноста да ја избегнува.
Од 18 март, 60 случаи на тромбоза со синдром на тромбоцитопенија (TTS) се пријавени во Соединетите Држави, што се поврзува со потенцијално опасни по живот згрутчување на крвта со низок број на тромбоцити, а регистрирани се и девет смртни случаи.
Симптомите започнуваат приближно една до две недели по примањето на оваа вакцина, а состојбата – која може да има доживотни последици, дури и кога не е фатална – е почеста кај жените во предменопауза.
Загриженоста за вакцината веќе ја ограничи нејзината употреба: во Соединетите Држави се дадени само 18,7 милиони дози, или околу 3,2 отсто од вкупно 577 милиони аплицирани вакцини во земјата.