Мерката, како што соопшти американскиот секретар за финансии Скот Бесент, ќе трае 30 дена, а е донесена за да се овозможи протокот на нафта на глобалниот пазар поради ситуацијата со Иран
Министерството за финансии на Соединетите Американски Држави (САД) издаде документ со кој ѝ дозволува на Индија да купува руска нафта која во моментов заглавена на море, пренесоа светските медиуми.
Мерката, како што соопшти американскиот секретар за финансии Скот Бесент, ќе трае 30 дена, а е донесена за да се овозможи протокот на нафта на глобалниот пазар поради ситуацијата со Иран.
„За да се овозможи нафтата да продолжи да тече на глобалниот пазар, Министерството за финансии издава привремено 30-дневно ослободување за да им овозможи на индиските рафинерии да купуваат руска нафта. Оваа краткорочна мерка нема да овозможи значителна финансиска корист за руската влада бидејќи овластува само трансакции кои вклучуваат нафта која веќе е заглавена на море“,
вели Бесент во соопштението објавено на социјалните платформи.
Тој ја нарекува мерката привремена бидејќи, како што наведува, Вашингтон очекува Индија на крајот да купува повеќе американска нафта.
„Оваа привремена мерка ќе го ублажи притисокот предизвикан од обидот на Иран да го затвори глобалниот проток на енергенти“,
наведува Бесент.
President Trump’s energy agenda has resulted in oil and gas production reaching the highest levels ever recorded.
— Treasury Secretary Scott Bessent (@SecScottBessent) March 6, 2026
To enable oil to keep flowing into the global market, the Treasury Department is issuing a temporary 30-day waiver to allow Indian refiners to purchase Russian oil.…
Индиските рафинерии набрзина купуваат милиони барели руска сурова нафта, како дел од обидите на земјата да се справат со кризата во снабдувањето со нафта предизвикана од конфликтот на Блискиот Исток, изјавиле за Ројтерс шест извори кои биле запознаени со ова прашање.
Соопштението на Бесент доаѓа по месеци притисок од Вашингтон врз Њу Делхи да избегнува купување руска нафта со цел да се спречи парите од продажбата да ја искористат за финансирање на воените активности на Москва во Украина.
Индија е ранлива на шокови во снабдувањето со енергија бидејќи земјата добива околу 40 отсто од резервите на нафта од Блискиот Исток преку Ормутскиот Теснец.
Таа беше најголемиот купувач на руска поморска сурова нафта по инвазијата на Москва врз Украина во 2022 година, но во јануари годинава нејзините рафинерии почнаа да ги намалуваат количините поради притисокот од Вашингтон.
Намалувањето на набавката на руска нафта му помогна на Њу Делхи да избегне царини од 25 отсто и да склучи привремен трговски договор со САД.
Извор директно вклучен во ова прашање изјавил дека Индија се обратила до администрацијата на Доналд Трамп барајќи одобрение за купување руска сурова нафта поради конфликтот во Иран.
Од Министерствата за нафта и надворешни работи на Индија засега не одговориле на барањата на Ројтерс за коментар во врска со последниот развој на настаните, а нема одговор ниту од Белата куќа и Министерството за финансии на САД.
Од друга страна, според изворите на Ројтерс, државните рафинерии „Индијан оил“, „Бхарат петролеум“, „Хиндустан петролеум“ и „Мангалор рафинерија и Петрохемикалс“ веќе водат разговори со трговците за брза испорака на руска нафта.
Според еден од изворите, индиските државни рафинерии досега купиле околу 20 милиони барели руска нафта.