Сѐ уште гори во близина на Тиквешкото Езеро – од утрово е активен само еден пожар

Пет пожари што гореа вчера попладне од утрово се ставени под контрола

Од утрово сѐ уште гори во близина на Тиквешкото Езеро во Општина Кавадарци, информираат од Центарот за управување со кризи (ЦУК).

Оттаму посочуваат дека на територијата на државата има еден активен пожар, а пет се ставени под контрола.

Регистрирани се вкупно 18 пожари на отворено од кои шест се активни, информира ЦУК

Така, под контрола се пожарите во Македонски Брод, кај „Јасен“, во Гевгелија на планината Кожуф, на две места во Желино, од кој едниот е кај селото Мерово, а другиот кај селото Церово и во Долнени кај селото Долгаец.

Од кабинетот на кавадаречкиот градоначалник Митко Јанчев вчеравечер соопштија дека двата пожари на териоторијата на општината се совладани, односно едниот е ставен под контрола, а другиот е изгаснат.

Пожарот на локалитетот Мушов гроб е целосно изгаснат, а тој на Тиквешкото Езеро е ставен под контрола.