Генералниот секретар на НАТО потврди дека два пати разговарал со претседателот на Украина по фијаското во Овалната соба. Дел од европските сојузници изненадени од тонот на разговор во Белата Куќа
„За жал, ова не беше лош сон, туку тешка реалност“, изјави германската министерка за надворешни работи Бербок
Марк Руте, во разговор за Би-Би-Си, изјави дека по непријатната средба во Белата куќа, тој два пати разговоарал со Володимир Зеленски, без да навлезе во детали од содржината на конверзацијата.
„Не можам да кажам што се разговараше, но реков дека мора да го почитуваме она што Трамп досега го направи за Украина. Претседателот Зеленски мора да најде начин да ги обнови односите со неговиот американски колега Доналд Трамп“, изјави Руте.
Генералниот секретар на НАТО Марк Руте
Настаните во Белата куќа предизвикаа остри реакции кај Сојузниците во Европа.
Германската министерка за надворешни работи, Аналена Бербок, рече дека почнало ново доба на срамота.
„За жал, ова не беше лош сон, туку тешка реалност“, изјави Бербок.
BERLIN, GERMANY – DECEMBER 23: German Foreign Minister Annalena Baerbock speaks to the media as she makes a statement on Afghanistan at the Foreign Office on December 23, 2021 in Berlin, Germany. (Photo by Michael Sohn – Pool/Getty Images)
Норвешкиот премиер Јонас Гар Сторе изјави дека неговата влада ќе побара од парламентот да ја зголеми својата економска поддршка за Украина.
„Клучно е САД да придонесат со Европа за траен мир“, рече норвешкиот премиер.
Полскиот претседател Анджеј Дуда изјави дека Зеленски треба да се врати на преговарачката маса и дека не може да види друга сила во светот, освен САД ,која би можела да ја спречи руската агресија врз Украина.
