Американскиот државен секретар Марко Рубио минатата недела изјави дека на претстојниот самит на НАТО во јуни, сите негови членки ќе се согласат да ги зголемат трошоците за одбрана на пет проценти од БДП во текот на следната деценија
Генералниот секретар на НАТО, Марк Руте, денеска изјави дека Русија произведува четири пати повеќе муниција од земјите членки на НАТО.
„Отворените извори укажуваат дека во наредните години Русите може да се обидат да направат нешто глупаво. Мора да се погрижиме доколку (рускиот претседател Владимир) Путин нападне сега или во блиска иднина, одговорот да биде разорен“,
истакна Руте одговарајќи на прашање за распоредувањето на руски воени сили на финската граница.
Тој наведе дека по завршувањето на војната во Украина важно е Путин да не го повтори истото.
„Подобрувањето на нашите одбранбени способности е нашата главна мисија. Сојузниците мора да ги зголемат трошоците за одбрана, ова е клучна задача пред Самитот на Алијансата во Хаг следниот месец“,
посочи Руте.
Американскиот државен секретар Марко Рубио минатата недела изјави дека на претстојниот самит на НАТО во јуни, сите негови членки ќе се согласат да ги зголемат трошоците за одбрана на пет проценти од БДП во текот на следната деценија.
Неговиот шеф, американскиот претседател Доналд Трамп, го намали финансирањето на НАТО во својот прв мандат од 2017 до 2021 година, честопати жалејќи се дека САД плаќаат неправедна сума за Алијансата во споредба со другите членки.