Градоначалникот на Киев, Виталиј Кличко, објави дека остатоци од ракети во новиот руски напад запалиле неколку автомобили и оштетиле зграда во населбата Соломјански, во западниот дел на главниот град. Според него, повредени се три лица
Руските сили рано утрово извршија, како што се наведува, исклучително интензивен воздушен напад врз Киев користејќи беспилотни летала и крстосувачки, а според некои извештаи, веројатно и балистички ракети, објавија властите на главниот град на Украина.
Станува збор за осми воздушен напад на Киев во текот на овој месец.
„Во однос на интензитетот, тој беше исклучителен – максимален број ракети во најкраток можен временски период“,
објави на Телеграм шефот на воената администрација на главниот град на Украина, Серхиј Попко.
Според прелиминарните информации, наведува тој, повеќето од непријателските цели во воздушниот простор на Киев биле детектирани и уништени.
Градоначалникот на Киев, Виталиј Кличко, објави дека остатоци од ракети во новиот руски напад запалиле неколку автомобили и оштетиле зграда во населбата Соломјански, во западниот дел на главниот град.
Според него, во нападот утринава биле повредени три лица.
Тој додаде дека системите за противвоздушна одбрана одбиле напад со руски дрон јужно од градот Бориспил, кој се наоѓа југоисточно од Киев.
Во Бориспил се наоѓа главниот комерцијален аеродром во Киев, кој беше затворен поради војната.
Воената администрација на Киев наведува дека нема значителна штета во другите делови на градот, додека сè уште се собираат информации за евентуално повредени лица.
Украинската служба за итни случаи објави фотографии од пожарникарите кои гаснат пожари низ Киев по нападот.
Київ. Поки вартові неба захищають нас від ворожих ракет, рятувальники завжди поруч.
— DSNS.GOV.UA (@SESU_UA) May 16, 2023
Дякуюємо, герої без зброї, за самовіддану працю!
➡️https://t.co/gXiGO2ptec
Фото: Pavlo Petrov pic.twitter.com/QPqosWgBrK
Воздушниот напад на Киев доаѓа по посетата на украинскиот претседател Володимир Зеленски на клучните западноевропски земји во обид да издејствува дополнителна воена помош за украинската армија за конфликтот со Русија и најавената офанзива. По Рим, Берлин и Париз, каде што имаше средби со највисоките државни власти на овие земји, Зеленски вчера престојуваше во Велика Британија каде што се сретна и разговараше со британскиот премиер Риши Сунак.
Британските власти објавија дека на Украина ќе ѝ испорачаат стотици нови беспилотни летала со долг дострел од над 200 километри. Сепак, како што изјави портпаролот на британскиот премиер на прес-конференција, испорака на воени авиони, кои Украина ги бара, не се дел од најавената помош.