Трите белоруски банки се исфрлени од глобалниот систем за плаќања СВИФТ поради поддршката на Минск за нападот на Кремљ
ЕУ донесе одлука да ги прошири санкциите кон Русија, со додавање имиња на руски олигарси и функционери на црната листа на санкции, да ја зајакне контролата на трансферите на крипто-валути и да го таргетира поморскиот сектор поради војната на Москва во Украина, соопштија дипломати.
Блокот од 27 земји, исто така, даде зелено светло за исфрлање на три белоруски банки од глобалниот систем за плаќања СВИФТ поради поддршката на Минск за нападот на Кремљ, објави на Твитер француското претседателство со ЕУ.
? #Ukraine | Approbation par le COREPER II de nouvelles sanctions à l’encontre de dirigeants et oligarques russes et de membres de leurs familles impliqués dans l’agression russe contre l’Ukraine. ⤵️ 1/5 #PFUE2022 pic.twitter.com/SHatb7ZD4z
— Présidence française du Conseil de l’UE ???? (@Europe2022FR) March 9, 2022
Информацијата што вчера ја објави Ројтерс ја потврди и високиот претставник на ЕУ, Жозеп Борел, кој на својот твитер-профил напиша дека целта е да се замрзнат средствата и да се казни ширењето дезинформации.
„Треба да ги заштитиме нашите демократии од странско мешање и обиди за манипулација. Ќе предложам нов хоризонтален режим кој ќе ни овозможи да ги санкционираме малигните дезинформации. Ова ќе биде дел од поширокиот пакет – алатки што ќе го подобри нашиот капацитет да одвраќаме и да дејствуваме. Ќе предложам нов механизам кој ќе ни овозможи да ги санкционираме овие злонамерни актери на дезинформации“,
рече тој.
Борел ја нарече употребата на лажни вести и дезинформации од Москва „бомбардирање на умовите“.