Проценките се дека руските сили употребиле најмалку 10 воздушни бомби во нападот врз градот со околу 700 илјади жители
Во руски напад што утрово се случи врз југоисточниот украински град Запорожје се убиени најмалку три лица. Украинските сили соборија и 132 дронови лансирани во текот на ноќта.
„Понеделничкото утро во Запорожје започна со експлозии и пожари“,
рече регионалниот гувернер Иван Федоров.
Според него, руските сили употребиле најмалку 10 воздушни бомби во нападот врз градот со околу 700 илјади жители.
Russia continues to ruin the Ukrainian cities it is not able to capture
— Pepel Klaasa (@pepel_klaasa) September 22, 2025
Zaporizhzhia still has a population of more than half a million people pic.twitter.com/dHIh4YIEFR
Во нападот се оштетени 15 станбени згради и 10 приватни куќи, како и деловни објекти.
Воздухопловните сили на Украина соопштија и дека собориле 132 дронови лансирани ноќта од руска страна, додека девет дронови се погодени на дури седум различни локации.
Во североисточниот Сумски Регион, во различни напади со дронови се повредени две лица, а е направена штета на цивилната инфраструктура и приватните домови.
Во нападот во Киевскиот Регион, едно лице е рането, а оштетени се станбени и приватни згради.