Првичните информации говорат дека под автомобилот на Сарваров била поставена експлозивна направа, која се активирала во моментот кога тој го стартувал возилото
Руски генерал загина во експлозија на автомобил во Москва, соопшти рускиот истражен комитет, а пренесува Си-ен-ен.
Според тамошните истражни органи, загинатиот е идентификуван како генерал-потполковник Фанил Сарваров, началник на Одделот за оперативна обука на руските вооружени сили.
Првичните информации говорат дека под автомобилот на Сарваров била поставена експлозивна направа, која се активирала во моментот кога тој го стартувал возилото.
Media outlets in Moscow are reporting that an assassination attempt was made on Major General Fanil Sarvarov, head of the operational preparation department of the Russian Ministry of Defense. The explosion occurred as he was getting into his car (a homemade explosive device was… pic.twitter.com/oA67aUq75m
— Jürgen Nauditt 🇩🇪🇺🇦 (@jurgen_nauditt) December 22, 2025
Од видеата објавени на социјална мрежа Икс се гледа оштетено возило на паркинг во населбата Јасенево во Москва.
Отворена е кривична постапка за убиство на воен офицер.
Руските власти изјавија дека една од верзиите што ги истражуваат вклучува можна вмешаност на украинските разузнавачки служби. Украина засега не објави ништо за случајот.
Според руските медиуми, Сарваров е роден на 11 март 1969 година во Гремјачинск. Дипломирал на Вишата школа за тенковска команда, на Воената академија на оклопни сили во 1999 година и на Воената академија на Главниот штаб во 2008 година.
Учествувал во борбени операции во Грузија и Чеченија и извршувал мисии во Сирија.
Во 2016 година станал началник на Дирекцијата за оперативна обука на Генералштабот.
Одликуван е со Орден за храброст, Орден за воени заслуги, медал „Суворов“ и Орден за заслуги за татковината, од втор и прв степен.
Fanil Sarvarov, Head of the Operational Training Department of the Russian armed forces, was blown up in a car in Moscow and died.
— Anton Gerashchenko (@Gerashchenko_en) December 22, 2025
Sarvarov took part in Russia's full-scale invasion into Ukraine, took part in wars in Chechnya and Syria. pic.twitter.com/Cp8ORUR5Ki