Ваков договор бил постигнат на средбата на шефот на руската вселенска агенција Роскосмос и в.д. администраторот на НАСА, која е прва меѓу раководителите на вселенските агенции на Русија и САД од 2018 година
Шефот на руската вселенска агенција Роскосмос изјави дека за време на разговорите во Соединетите Американски Држави се договорил со својот колега од НАСА да ја продолжат заедничката соработка во Меѓународната вселенска станица до 2028 година.
Вселената останува една од последните области на соработка меѓу САД и Русија, во време кога односите меѓу Москва и Вашингтон се речиси целосно нарушени од конфликтот во Украина.
Роскосмос претходно оваа недела објави дека директорот на агенцијата, Дмитриј Баканов, отпатувал во Соединетите Држави на разговори со вршителот на должноста администратор на НАСА, Шон Дафи. Ова беше прва средба меѓу раководителите на вселенските агенции на двете земји од 2018 година.
„Разговорот помина добро. Се согласивме да ја продолжиме соработката во Меѓународната вселенска станица до 2028 година и да работиме на прашањето за нејзино деорбитирање до 2030 година“,
изјави шефот на руската вселенска агенција Роскосмос.
Претходно беше планирано станицата да биде во функција до 2024 година, но Националната вселенска администрација на САД (НАСА) објави дека таа ќе остане во функција до 2030 година.